Sayo sa kaadlawon mamasol na sila sa kadagatan
Aron adunay makaon sa adlaw nga nagdagan
Sa kakabus ang katawhan nag-sagubang
Ilang kinabuhi gisugal na lang
Pagbatok sa kawad-on nga nagsamok nilang tanan

O, kanus-a pa makab-ot ang kausaban?
Ang bag-ong adlaw alang kanila
Dunggon unta ang ilang mga suliran
Aron makuha ang kaangayan
Sa mga taga-Totolan

Ang uban kanila nanimpalad sa gawas
Sa ingon sa kalisud mahaw-as
Antoson ang kamingaw ug kalayo
Maabot lamang ang pangandoy nga kinabuhing bag-o

Kon ting-usbawan makab-ot na sa tukma
Ginadamgo nga kalipay mabatyag na
Nindot ug ma-agnihon nga pahiyum
Gasa sa Labawng Makagagahum

"Pinalangga kong yutang natawhan
Hinaot sa akong pagbalik
Makab-ot na nimo ang gitinguhang kausaban
Aron magmalipayon ang katawhan
Pahiran na ang luha, ipakita ang pahiyum
Kalinaw ug kalipay ipatigbabaw
Dinhi sa Totolan"

akong halad alang sa mga katawhan sa Brgy. Totolan, Dauis, Bohol...

Mabuhay!!!!