SI Ginang Susan Pahente mapasigarbuhon kaayong mipasabot sa kalampusan sa natural family planning uban sa iyang bana nga si Renato . Matud niya nga sa pagsugod gayod nila pagsagop sa NFP, naglisod sila pagsabot sa ilang mga kina-iya, apan uban sa hingpit nga disiplina ug respeto sa usag-usa, sila milampos ug nagmalipayon isip mga magti-ayon. Unom ang ilang mga anak, kansang gintang o gap moabot sa upat ngadto sa lima ka mga tuig. Silang duha karon aktibong nagatabang sa gobyerno ug simbahan diha sa pagpatunhay ug pagpalahutay sa NFP. Ang matagti-ayong Pahente namulong atol sa pagtukod sa NFP Press Corps of Northern Mindanao (NFPPC-Normin), Marso 13-14, 2009 diha sa POPCOM 10 Training Center, Carmen, Cagayan de Oro City. (Arjay S. Felicilda)